مالك الروايه كامله
معاكي حق.. انا اسف بجد
ليلي اعتذر ليها هي.. يلا سلام عشان ورايا مسلسل..
مالك سلام..
قعدت اتفرج علي المسلسل و قدامي طبق الفشار بتاعي لحد ما لقيت بابا و ماما جايين ورا بعض..
ليلي اي مالكوا!
محمود كنا عاوزين نقولك حاجه..
ليلي قولوا.. في حاجه ولا اي!
عزة فاكرة في فرح اختك من اربع شهور ام أحمد اللي جت سلمت عليكي..
عزة ابنها طالبك للجواز..
ليلي مين احمد!
عزة هيكون مين يعني!
ليلي اه.. طيب ابنها طالبني اعمل اي.. عاوز اي يعني..
محمود ي بت بطلي اللماضة.. ارد ع الراجل اقوله اي!
ليلي بهدوء قوله يجي ي بابا و اللي فيه الخير يقدمه ربنا..
عزة بفرحه بجد..
عزة المهم ان المبدأ موجود.
ليلي حاسه اني قاعده علي قلبك ي عزة..
عزة اه الصراحه زهقت منك.. مبتعمليش معايا حاجه و مقضياها اكل طول النهار..
ليلي انا بتهان في بيتك ي حاج..
محمود بضحك الله ي عزة لو متدلعتش في بيت ابوها يعني هتدلع فين!
ليلي كانت تعبانه و ملقتش حد غيري تتصل بيه اسيبها..
عزة لا الف سلامه ي حنينه..
ليلي اسكتي ي ماما دي خسړت الجنين..
عزة بجد.. لا حول ولا قوة الا بالله.. مكنتش اعرف..
ليلي زعلانه عليها والله ي ماما برغم اني لا بحبها ولا مالك بس زعلت عليهم..
ليلي لا ي ماما.. اوعي تكوني شمتانه فيهم.. ربنا يرزقهم بالذرية الصالحه دي حاجه صعبه ي ماما...
عزة عارفه ي بنتي.. ربنا يكملك بعقلك و توافقي ع العريس ي رب..
ليلي شوف بردو.. طب اي رايك بقي علي قلبك..
عزة م انتي كدا كدا علي قلبي لحد ما اموت يعني بعد ما تتجوزي ما انا هفضل شايله همك..
حاسه ان أهلي شايلين فوق طاقتهم و خايفين عليا ب زيادة.. خايفين اني ارفض فكرة الزواج بسبب تجربتي.. بس لا أنا عاوزة اعيش حياة مستقرة ويكون ليا بيت و اطفال و زوج محب..
بس الوقت.. حسيت اني محتاجه وقت لنفسي ارتاح فيه...اخد هدنه و لما حسيت ان حد مناسب اتقدم قولت اي المانع...
يوم الرؤية الشرعية كان جاي ومعاه اخته و والدته و عمه...
والدته انتي بتشتغلي اي ي ليلي!
ليلي مصممه في شركه دعايا..
أخته الله ديزاينر..
ليلي ب ابتسامه اه..
أحمد هي عاوزة تبقي مصممه و انا بصراحه بشجعها انها تدخل الحاجه اللي حباها..
والدته بس دي جايبة مجموع طب..
أحمد اي المشكله ي ماما هي تدرس اللي حباه..
والدته طيب.. خلاص مش وقته..
عزة طيب نسيبكم تتكلموا..
قعدت معاه لوحدي و كنت متوترة مع اني حاسه اني اخر فترة شخصيتي كانت شديدة مش حساسة زي الاول...
أحمد متوترة!
ليلي لا.. لا انا تمام..
أحمد علفكرا أنا كنت خاطب من فترة او كنت كاتب كتابي عليها بس توفاها الله..
ليلي ربنا يرحمها.. من قد اي!
أحمد يعني من خمس سنين كدا..
ليلي أنت عندك كام سنه..
أحمد 32..
ليلي أنا 26..
أحمد طيب كلميني عن نفسك..
ليلي انا.. يعني انا معنديش حاجه اقولها اوي.. اهم حاجه طبعا اني كنت متجوزة و اتطلقت.. كان ابن عمي ف هتشوفه كتير لو حصل نصيب...
و انا اشتغلت بعد طلاقي و حابه اكمل في الشغل بتاعي...
أحمد علفكرا بحس شغلك ممتع.. برغم انه متعب شوية..
ليلي اه..
