روايه جديدة شيقة كامله بقلم وفاء محمد
حاضر سلام
عدي اليوم عادي لكن ريم مدخلتش أوضة الكتب نهائي
وكانت طول اليوم خاېفة ومش مرتاحة
بعد الغدا
أحمد هاه عاملة إيه دلوقتي طمنيني عليكي
ريم أنا كويسة الحمد لله وراك شغل ولا هتنام
أحمد لا مفيش شغل هنام عشان متكونيش لوحدك
ريم طيب يلا بينا
تاني يوم
أحمد خرج لازم أعمل زي ما مي قالتلي
ريم لازم تتشجعي عشان تعرفي وتفهمي كل حاجة
يستر
دخلت أوضة الكتب وقعدت علي الكرسي وهي بتتنفض من الخۏف
الفصل الثالث
قالت وصوتها مليان خوف
مين هنا أنت مين
قولي أنت مين عايز إيه
إيه اللي مخليك هنا في البيت
سكتت شوية وبلعت ريقها وقالت هحاول أساعدك عشان تقدر تمشي من هنا
في نفس الوقت وقع كتاب كبير علي الأرض
أتشجعت وطلعت الظرف من الكتاب وحطت الكتاب مكانه وخدت الظرف وقعدت علي الكرسي تقرأ فيه إيه
فتحت الظرف لقيت جواه نوت بوك لونها أسود
قالت لنفسها أسود أكيد لشاب بس باردو في بنات بتحب الاسود
أهو هنقرأ ونعرف كل حاجة
فتحت النوت أول صفحة
لقيت صورته وتحتها أسمه أمير عزام
ياتري كاتب إيه في الدفتر يا أمير بدأت تقرأ وفجأة حسيت وكأنها في المكان فعلا شايفة كل حاجة أتخضت في الأول لكنها عرفت أنه بيوريها اللي مكتوب
كانت قاعدة متوترة وبتهز رجليها
حلا هو المدير هيتأخر المفروض الأنترفيوا الساعة ١٠ دلوقتي الساعة ١٠ ٣٠
عبير متقلقيش يا فندم أمير بيه دايما بييجي في معاده يمكن إتأخر لسبب ما
وهي بتقوم بتخبط فيه
حلا بقلق أنا أسفة بس مستعجلة
أمير لا يا فندم ولا يهمك إتفضلي
عبير مرة واحدة أستني يا آنسة ده أستاذ أمير مدير الشركة اللي المفروض تحضري معاه الأنترفيوا
أمير پغضب هو حاضرتك كنتي ماشية من غير ما تقابليني
حلا بقلق أنا أنا أسفة يا فندم بس فكرت حاضرتك طالما أتأخرت مش جاي
عبير پخوف والله يا فندم قولتلها هي اللي قامت فجأة
أمير تمام حصل خير إتفضلي يا أنسة أقعدي ٥ دقايق ودخليها يا عبير
عبير تمام يا فندم
بعد ما دخل
حلا پخوف هو ممكن يعمل فيا حاجة
عبير هههه لأ متقلقيش هو أستاذ أمير صعب شوية وبيتعصب بسرعة لكنه طيب خالص
عبير آه والله علي العموم دلوقتي تقدري تدخلي عنده
حلا وهي بتمسك السلسلة اللي في رقبتها إذا كان ربنا معايا فمين عليا
فاقت علي رنة التلفون
أحمد الو يا ريم أنا جاي في السكة عايزاه حاجة أجبهالك معايا
ريم لأ يا حبيبي خلي بالك من نفسك بس قدامك قد إيه بالظبط عشان أسخن الغدا
أحمد حاضر يا قلبي ربع ساعة كده
ريم تمام يا قلبي مستنياك
قفلت النوت
وهي بتقول كأني بقرأ رواية
بالظبط بس الأغرب إني شايفة كل حاجة كأني معاهم
بس قد إيه عصبي أوي أمير ده
يالهوي ولما هو عصبي وهو إنسان عادي زينا أومال وهو روح عامل إزاي
لا لا بلاش أفكر في الحجات دي
خبيت النوت عشان أحمد ميشفهاش
بكره أبقي أكمل حصل إيه
كان واقف بعيد سامع كل كلمة قالتها ضحك لما قالت عليه عصبي وإنه يخوف
أفتكرها
حلا قد إيه أنت عصبي أوي يا أمير مع إن أسمك أمير
أمير برفعة حاجب يعني أنا مش أمير ولا إيه يا ست حلا
حلا هههه لأ طبعا أمير وقمر وطيب وكل حاجة بس عصبي أوي وكمان بتتعصب بسرعة
أمير أعمل إيه دي حاجة فيا من صغري ومش عارف أغيرها
حطيت إيدها حوالين رقبته بحب
مش مهم أنا بحبك زي ما أنت كده يا أميري العصبي
فتح عينة پغضب مرة واحدة مش هسيب اللي عمل كده وبعدنا عن بعض
وقريب هنكون سواه يا حلاي
الفصل الرابع
أحمد أنا جيت يا ريم
ريم حمد الله بالسلامة يا قلبي ٥ دقايق وأحضر الغدا
أحمد بسرعة لحسن أنا ھموت من الجوع
ريم ههههه عنية حاضر
علي الغدا
أحمد هاه عملتي ايه النهاردة قرأتي حاجة
ريم سكتت شوية وبعدين قالت آه رواية رومانسية كالعادة
أحمد ههههه ومالوا وبتحكي عن إيه بقي
ريم لأ لسه مخلصتهاش
أول ما أخلصها هحكيلك
أحمد تمام أتفقنا أنا داخل المكتب ياريت فنجان قهوة بقي عشان أركز
ريم حاضر هتسهر كتير
أحمد يعني مش عارف لو عايزاه تكلملي روايتك عبال ما أخلص ومالوا
ريم هههه أكيد يعني
أحمد كنت عارف
بعد ما عملتله القهوة وسابته يركز في شغله
دخلت اوضة الكتب
وجابت النوت وبدات تقرأ وبدأت كل حاجة تظهر كأنها موجودة
خبطت قبل ما تدخل المكتب
أمير إتفضلي يا أنسة حلا كنت جاية عشان وظيفة السكرتيرة
حلا أيوة يا فندم ده السي في بتاعي
أمير تمام
أخد منها السي في ولاحظ إن أيديها بترتعش
بصيلها وقالها متقلقيش يا أنسة حلا أنا مش هأذيكي أنا بس مبحبش حد يمشي وهو ليه معاد معايا
حلا لأ أبدا يا فندم مفيش حاجة
أبتسم وبدأ يقرأ السي في وهو بيقرأه كان بيبص عليها
قد إيه جميلة هادية كده وملامحها عادية لكن جميلة مش حاطة ميكب كتير
إيه اللي بقوله ده
أمير أحم لأ ملفك حلو أوي يا أنسة حلا
تقدري تشتغلي من بكره لو حابة
حلا بأبتسامة بجد يا فندم شكرا جدا
أمير العفو علي إيه ده بسبب أجتهادك
حلا شكرا لحاضرتك محتاج مني حاجة تانية
أمير لأ شكرا بكره بإذن الله الساعة ٨ تكوني في المكتب عشان عبير تفهمك كل حاجة لأن هي هتسيب الشغل آخر الشهر وهتاخدي مكانها هي معاكي لحد ما تفهمك كل حاجة بخصوص الشغل فهماني
حلا أيوة طبعا يا فندم فاهمة كل حاجة
أمير تمام تقدري تستأذني
حلا تمام عن إذنك
أمير إتفضلي
بعد ما خرجت قد إيه جميلة بطبيعتها
إيه يا أمير أنت مشفتهاش إلا مرة واحدة بس وإيه يعني ما الحب بييجي مرة واحدة
حب وكمان مرة واحدة شكلها خطفت قلبي ولا إيه
في بيت متواضع
بتدخل فرحانة ماما ماما
الحاجة هدي أيوة يا حلا أنا في الأوضة
حلا أشتغلت يا ماما أتقلبت في الوظيفة
وبتتنطط وهي فرحانة
الحاجة هدي مبروك يا بنتي قوليلي كل حاجة بالظبط
حلا هو في الأول أتأخر وكنت خلاص جبت أخري بس لما قومت عشان أمشي
خبطت فيه مش عايزاه أقولك يا ماما خۏفت قد إيه لما أتعصب علي
السكرتيرة بس بعد ما دخلت وأتكلمت معاه طلع فعلا طيب زي ما قالت
الحاجة هدي ربنا يوفقك في حياتك يارب يا بنتي
حلا يارب يا ماما
كانت شايفة كل ده
قالت في نفسها يا تري حصل إيه لكل ده
الموضوع كأنه رواية بالظبط لكن حقيقة وأنا بقيت جزء منها
عدت الأيام وبقيت السكرتيرة بتاعته وبدأ فعلا يتأكد من حبه ليها
حتي هي كان باين عليها إنها حبيته لكن طبعا هو غني وهي فقيرة إزاي هيبصلها
كان دايما ده في بالها
لكنه أثبت إن كلامها غلط وأعترفلها بحبه بطريقة جميلة وغريبة شوية
أمير أنسة حلا ممكن دقيقة
حلا أيوة يا فندم في حاجة
أمير أيوة مش هتيجي الشغل تاني خلاص أنا لقيت سكرتيرة تانية
حلا وهي مصډومة وبدأت عينها تدمع ليه يا فندم أنا عملت إيه
أمير وهو ماسك نفسه مبقيتيش
